იუსტიციის მინისტრმა ანრი ოხანაშვილმა თავის მოადგილედ ირაკლი ბერაია დანიშნა. ამის შესახებ ინფორმაციას იუსტიციის სამინისტრო ავრცელებს.

სამინისტროს განცხადებით, ბერაიას საკანონმდებლო საქმიანობის მრავალწლიანი გამოცდილება აქვს. ის იყო საქართველოს მე-9, მე-10 და მე-11 მოწვევის პარლამენტის წევრი.

პოლიტიკურ კარიერამდე კი, ბერაიამ წარმატებული საქმიანობა განახორციელა საბანკო სექტორში, სადაც მას მნიშვნელოვანი პოზიციები ეკავა.