კრემლის პროპაგანდისტის, ალექსანდრ დუგინის აზრით, მსოფლიოში მიმდინარე მოვლენების შემხედვარე ქართული ოცნების ამომრჩევლებს უხარიათ მათ მიერ გაკეთებული არჩევანი.

"ქართველები ალბათ ახლა უყურებენ, როგორ ანადგურებს ტრამპი ზელენსკის და უხარიათ: რა ყოჩაღები ვართ, რომ ქართულ ოცნებას დავუჭირეთ მხარი". – წერს პუტინის მეგობარი, ფილოსოფოსი დუგინი.

დუგინის აზრით ქართული ოცნების ამომრჩეველმა "გადაარჩინეს ქვეყანა".

"უხარიათ, რომ მასკის მიერ განადგურებული USAID-ის ლაქიების არ აჰყვნენ, რომლებიც თბილისის ქუჩებში ცოფებს ყრიან და არ დარჩნენ გარდაუვალი კრახის მხარეს. გადაარჩინეს ქვეყანა". 

ცოტა ხნით ადრე დუგინმა, თავისი შვილის, დარია დუგინას მკვლელობაში გაერთიანებული სამეფოს ყოფილი პრემიერმინისტრი ბორის ჯონსონი დაადანაშაულა.