ეგვიპტის წითელი ზღვის საკურორტო ქალაქ ჰურგადასთან ტურისტული წყალქვეშა ნავი ჩაიძირა, რასაც, 6 ადამიანი ემსხვერპლა, - ინფორმაციას Reuters-ი ადგილობრივ გუბერნატორზე დაყრდნობით ავრცელებს.

გამოცემის ცნობით, გუბერნატორს დაღუპული პირების ეროვნება არ დაუდასტურებია.

ჰურგადაში რუსეთის საკონსულოში აცხადებენ, რომ წყალქვეშა ნავში, SINDBAD-ში, ეკიპაჟის წევრების გარდა, 45 რუსი ტურისტი იმყოფებოდა.

„პირველადი მონაცემებით, ბორტზე მყოფთა უმეტესობა გადაარჩინეს და გადაიყვანეს ჰურგადაში მდებარე სასტუმროებსა და საავადმყოფოებში“, - აცხადებენ საკონსულოში.

მათივე ინფორმაციით, რამდენიმე ტურისტის ბედს ამ დრომდე არკვევენ.