კულტურის სფეროს წარმომადგენლებმა და პოლიტიკოსებმა დღეს კულტურისა და ძეგლთა დაცვის სამინისტროსთან აქცია გამართეს და მინისტრის, თეა წულუკიანის პოლიტიკა გააპროტესტეს.

მწერლების, პუბლიცისტების, მხატვრებისა და მუსიკოსების პროტესტი ხელოვნების მუზეუმის გადარჩენისკენ არის მიმართული.

კულტურის სფეროს წარმომადგენლების თქმით, დაუშვებელია თბილისის ერთ-ერთი ყველაზე ძველი შენობა ივანიშვილის სამშენებლო ამბიციებს შეეწიროს და დაუშვებელია ეროვნულ საგანძურში დაცული 139 000 ექსპონატის დაჩქარებულ რეჟიმში მუზეუმის საცავებიდან გატანაც.

აქციის მონაწილეები პროცესების გამჭვირვალობას და კონკრეტული კომისიის შექმნას ითხოვენ, რომელიც ამირანაშვილის მუზეუმიდან „ოქროს ფონდის“ გადინებას მონიტორინგს გაუწევს.