თქვენო აღმატებულებავ, ბატონო პრეზინდეტო, მიიღეთ ჩვენი უდიდესი პატივისცემა და ნება გვიბოძეთ გაგიზიაროთ ჩვენი შეშფოთება რუსეთ-საქართველოს ურთიერთობის გამუდმებულ გაუარესებასთან დაკავშირებით - „პატრიოტთა ალიანსი“ და მისი თანამოაზრეები ვლადიმერ პუტინს საგანგებო წერილით მიმართავენ. 

მოსკოვში გაგზავნილი წერილის ინიციატორები პარტიის ლიდერები დავით თარხან-მოურავი და ირმა ინაშვილი არიან. 

პრორუსული პარტია „პატრიოტთა ალიანსი“ გადამწყვეტი არჩვნების წინ ოკუპანტ რუსეთს  საქართველოს საქმეებში და ქვეყნაში მიმდინარე პროცესებში  ღიად ჩართვისკენ მოუწოდებს. 

ჩვენი ქვეყანა რომ კრიზისიდან გამოვიყვანოთ, ეს არის ერთ-ერთი და სერიოზული ნაბიჯი, რომ ისევ დიალოგი აღდგეს, რომლითაც ჩენ ვიყავით დაკავებული თავის დროზე. ბატონი პუტინი არის მეზობელი ქვეყნის პრეზიდენტი. ეს არის კლასიკური ჩვეული ფორმა მიმართვისა, - ამბობს „პატიროტთა ალიანსის“ წევრი ადა მარშანია.