აშშ-ის დაავადებათა კონტროლის ეროვნული ცენტრის(CDC) მონაცემებით, აგვისტოს დასაწყისისთვის სრულად ვაქცინირებული იყო 164 მილიონზე მეტი მოქალაქე. მათგან, ვინც კორონავირუსით აცრის შემდეგ დაინფიცირდა, ჰოსპიტალიზაცია დასჭირდა 0.005%-ზე ნაკლებს, ხოლო ლეტალური შედეგის მაჩვენებელი 0.001%-ზე ნაკლებია.

ამასთან ერთად ცნობილი ხდება, რომ აშშ-ის მედიკამენტებისა და სურსათის ადმინისტრაციამ იმუნიტეტდაქვეითებული მოქალაქეებისთვის კორონავირუსის საწინააღმდეგო ვაქცინის მესამე დოზის გამოყენება დაუშვა. შესაბამისი გადაწყვეტილება ადმინისტრაციის ვებგვერდზე გამოქვეყნდა.

„ფაიზერისა“ და „მოდერნას“ გამოყენება დაშვებული იქნება გარკვეული კატეგორიის იმუნიტეტდაქვეითებული მოქალაქეებისთვის“, – ნათქვამია განცხადებაში.