რადიკალური დაჯგუფება  „თალიბანის“  ერთ-ერთმა ლიდერმა  სუჰეილ შაჰინმა “სქაი-ნიუსსთან“  საუბრისას განაცხადა , რომ  მსოფლიოს სხვა ქვეყნები ვალდებულნი არიან დაეხმარონ ავღანეთს აღდგენაში.

„დიდი ბრიტანეთის პრემიერ - მინისტრმა და სხვა ქვეყნების ლიდერებმა პატივი უნდა სცენ ავღანელი ხალხის სურვილს და დაეხმარონ მათ ქვეყნის აღდგენაში, მათი ცხოვრებისა და ქვეყნის ეკონომიკის განვითარებაში.

ვფიქრობ, რომ ეს მათი ვალდებულებაა, რადგან ისინი იდგნენ ავღანეთის განადგურების უკან ბოლო 20 წლის განმავლობაში. ამდენად, ახლა ეს მათი მორალური ვალია - აღადგინონ ავღანეთი და დაეხმარონ ხალხს ახალი ცხოვრების დაწყებაში“ , - განაცხადა შაჰინმა.