ევროპული საბჭოს პრეზიდენტი შარლ მიშელი საქართველოს პრემიერ–მინისტრ ირაკლი ღარიბაშვილთან შეხვედრის შემდეგ, სოციალურ ქსელში განცხადებას ავრცელებს.

როგორც მიშელი აღნიშნავს, დროა საქართველომ აჩვენოს ერთგულება შეთანხმებისადმი და კერძოდ, რეფორმების დღის წესრიგისადმი.

„პრემიერ-მინისტრ ღარიბაშვილთან ხაზი გავუსვი, რომ რეფორმები საჭიროა, როგორც არასდროს. ახლოვდება მაკროფინანსური დახმარების გამოყოფის ვადა და დროა, რომ საქართველოს მთავრობამ აჩვენოს ერთგულება შეთანხმებებისადმი და კერძოდ, რეფორმების დღის წესრიგისადმი“, – წერს შარლ მიშელი.