ქავთარაძის ქუჩაზე მოწყობილ საველე ჰოსპიტალში 91 ინფიცირებული პაციენტია მოთავსებული. ჰოსპიტლის კოვიდდეპარტამენტის კურატორის, მერაბ ჩიქოვანის განცხადებით, ჰოსპიტალში მყოფი პაციენტების უმეტესობა ჟანგბადდამოკიდებულია.

„გუშინ მორიგეობის განმავლობაში 3 პაციენტის სხვა საავადმყოფოში გადაყვანა მოხდა. ბინაზე გაეწერა 5 პაციენტი. პაციენტების მდგომარეობა მეტწილად არის საშუალო სიმძიმის, უმეტესობას მიეწოდება ჟანგბადი, ნაწილი არის უჟანგბადოდ და მზადდება ბინაზე გასაწერად“, - ამბობს ჩიქოვანი.