ფოთის მერობის კანდიდატმა გიგი უგულავამ შსს-სგან “უფლების ჩამორთმევის შესახებ” ცნობა მიიღო და არჩევნებში კანდიდატად დარეგისტრირებას შეძლებს.

„როგორც ეროვნული მოძრაობის დროს ამბობდნენ, კრემლმა უკან დაიხია. საბუთი ანუ ჯადო ჩემს ხელშია. ბრძოლა გრძელდება გამარჯვებამდე“, - განაცხადა უგულავამ. 

31 ოქტომბერს გიგი უგულავა აცხადებდა, რომ მას შინაგან საქმეთა სამინისტროს მომსახურების სააგენტოდან არ აძლევდნენ აღნიშნულ საბუთს, რომლის გარეშეც ის არჩევნებში კანდიდატად დარეგისტრირებას ვერ შეძლებდა.