"ყველანაირად სუფთა ვარ". - თბილისის მერმა სამხარაულის ექსპერტიზის ეროვნულ ბიუროში ნარკოტესტი ჩააბარა. 

კახა კალაძის თქმით, პასუხის მიხედვით ყველანაირად სუფთაა და ეროვნულ ბიუროს უფლება აქვს შედეგი გაასაჯაროვოს. 

მან თავის ოპონენტებს მოუწოდა, რომ ანალოგიურად მოიქცნენ.

"ანალიზები ჩავიტარე. ჯანსაღი ცხოვრების წესის პოპულარიზაციასთან დაკავშირებით განცხადება რამდენიმე დღის წინ გავაკეთე. პასუხის მიხედვით ყველანაირად სუფთა ვარ, შესაბამისად, სუფთა არჩევნები და სუფთა, ჯანსაღი ცხოვრების პოპულარიზაცია იქნება ძალიან მნიშვნელოვანი ჩემთვის, ჩემი თანაგუნდელებისთვის. ასევე, მოვუწოდებ ყველა კანდიდატს, რომ გააკეთოს ანალოგიურად და საზოგადოებას შედეგები წარუდგინოს. მინდა მივმართო სამხარაულის ეროვნულ ბიუროს, რომ მათ უფლება აქვთ გაასაჯაროონ შედეგები და ხელმისაწვდომი იყოს ყველასთვის". - ამბობს კალაძე.