რუსთავი-თბილისის ავტომაგისტრალზე ერთმანეთს სამგზავრო მიკროავტობუსი და მსუბუქი მანქანა შეეჯახა. შემთხვევის შედეგად 3  ადამიანი დაშავდა. შემთხვევის შედეგად მსუბუქი დაზიანებები მიიღეს მიკროავტობუსში მყოფმა ორმა ქალმა და მცირეწლოვანმა. ისინი კლინიკაში გადაიყვანეს.

შინაგან საქმეთა სამინისტროს განცხადებით, გამოძიება სისხლის სამართლის კოდექსის 276-ე მუხლის მე-2 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.