პრემიერ-მინისტრის, ირაკლი ღარიბაშვილის განცხადებით, დავით კეზერაშვილის წინააღმდეგ თავდაცვის სამინისტროს მიერ შეტანილი სარჩელი გაფლანგულ ათეულობით და ასეულობით მილიონ დოლარს ეხება.

მისი თქმით, მსგავს ფაქტებზე გამოძიებას შესაბამისი რეაგირება ექნება.

"ერთ-ერთი ფაქტი დადასტურდა, როდესაც სასამართლომ დამნაშავედ ცნო ბატონი კეზერაშვილი დაუსაბუთებელი, ზოგადად ამ გაუგებარი პროგრამების დაფინანსებისთვის. კერძოდ, თუ არ ვცდები 5 მილიონი იქნა გადარიცხული ერთ-ერთ ოფშორულ კომპანიაზე და არავითარი არც სერვისი არ იქნა გაწეული და არც არავითარი შეიარაღება არ ჩამოსულა. ასეთი ფაქტი არის უამრავი და რა თქმა უნდა, გამოძიება ყველა ამ ფაქტს გასცემს შესაბამის პასუხს", - განაცხადა ირაკლი ღარიბაშვილმა.