საქართველოს ყოფილი პრეზიდენტის, მიხეილ სააკაშვილის ჯანმრთელობის მდგომარეობის შესასწავლად რუსთავის მე-12 პენიტენციურ დაწესებულებაში ექიმები მივიდნენ. 

კონსილიუმის დასრულების შემდეგ გახდება ცნობილი, დასჭირდება თუ არა სააკაშვილის ციხიდან ჰოსპიტალიზაცია.

ექიმთა კონსილიუმი, რომელიც სააკაშვილის ჯანმრთელობის მდგომარეობას შეისწავლის, 6 ექიმისგან შედგება. 

შეგახსენებთ, მიხეილ სააკაშვილი მე-18 დღეა შიმშილობს.