ციციშვილის ბავშვთა კლინიკაში კოვიდინფიცირებული 108 პაციენტი მკურნალობს, მათგან 57 ბავშვი, 51 კი, მშობელია. ისინი საშუალო ან მსუბუქი სიმძიმის პაციენტები არიან.

როგორც „ექსპრესნიუსს“ კლინიკაში განუცხადეს, სამედიცინო დაწესებულებაში მყოფი 51 მშობლიდან მხოლოდ ერთია ვაქცინირებული.

ცნობისთვის, საქართველოში ამ დროისთვის კორონავირუსით ინფიცირების 694 182 დადასტურებული შემთხვევაა, მათ შორის 9 788 პაციენტი ვირუსს ემსხვერპლა, კოვიდ19-ისგან გამოჯანმრთელებულთა რიცხვი კი, 635 611-ს შეადგენს.