კოვიდ19-ის პანდემიის დასრულებამდე ჯერ კიდევ შორია, - ამის შესახებ ჯანდაცვის მსოფლიო ორგანიზაციის კომიტეტმა განაცხადა, რომელიც ყოველ 3 თვეში იკრიბება.

„მიუხედავად იმისა, რომ ვაქცინების კუთხით პროგრესი არის, არსებული სიტუაციის ანალიზის და პროგნოზის მიხედვით, პანდემიის დასრულებამდე ჯერ კიდევ შორია“, - აღნიშნეს კომიტეტში. 

კომიტეტის წევრების თქმით, ვირუსის გავრცელების პრევენციისთვის აუცილებელია ჰიგიენის წესების დაცვა, ნიღბის ტარება და დისტანციის დაცვა, ასევე შიდა სივრცეების განიავება.