უკრაინელი ჟურნალისტი, დიმიტრი გორდონი საქართველოში არ შემოუშვეს. ის და მისი მეუღლე თბილისის საერთაშორისო აეროპორტში გააჩერეს.

"ნაციონალური მოძრაობის" წევრის, ხატია დეკანოიძის ინფორმაციით, გორდონს და მის მეუღლეს, ასევე მათთან ერთად მყოფ ჟურნალისტს დეპორტაციას უკეთებენ.

"უკრაინელ ჟურნალისტ გორდონს და მის ცოლს ლესიას, ასევე ჟურნალისტს ამ წუთებში დეპორტაციას უკეთებენ საქართველოს აეროპორტიდან!", – წერს ხატია დეკანოიძე.