ამერიკის შეერთებული შტატები სამხრეთ კავკასიის რეგიონის უსაფრთხო, სტაბილური, აყვავებული და მშვიდობიანი მომავლის ხელშეწყობის ერთგული რჩება, – ამის შესახებ აშშ–ის სახელმწიფო დეპარტამენტის პრესსიკერმა, ნედ პრაისის განცხადებაშია აღნიშნული.

როგორც განცხადებაში წერია, ევროპისა და ევრაზიის საკითხებში სახელმწიფო მდივნის თანაშემწის მოადგილე ერიკა ოლსონი ამჟამად კავკასიის რეგიონში იმყოფება, რათა სამივე ქვეყანასთან განიხილოს ორმხრივი საკითხები.

აშშ მოუწოდებს სომხეთსა და აზერბაიჯანს, მთიანი ყარაბაღის კონფლიქტთან დაკავშირებით, გააგრძელონ და გააძლიერონ თავიანთი ჩართულობა, მათ შორის ეუთო-ს მინსკის ჯგუფის თანათავმჯდომარეების ეგიდით.