ბარათაშვილის ხიდის მიმდებარე ტერიტორიაზე, სადაც „ნაციონალური მოძრაობის“ მიერ ორგანიზებული საპროტესტო მსვლელობა მიმდინარეობს, ავტობუსებით სპეციალური დანიშნულების რაზმი და წყლის ჭავლის მანქანებია მობილიზებული.

ცნობისთვის, გუშინ, "ერთიანი ნაციონალური მოძრაობის" თავმჯდომარემ, ნიკა მელიამ დაანონსა, რომ 15:00 საათიდან 17:00 საათამდე საპროტესტო აქციებით გადაიკეტებოდა საავტომობილო მოძრაობა თბილისის ორივე სანაპიროზე. 

აღნიშნულ განცხადებას გამოეხმაურა შინაგან საქმეთა სამინისტრო, რომლის თქმითაც, აქციის გაცხადებული მიზანი, თბილისში სატრანსპორტო კოლაფსის გამოწვევა იყო. უწყების განცხადებით, საჭიროების შემთხვევაში გამოყენებული იქნებოდა პროპორციულ ძალა და სპეციალური საშუალებები.