New York Times-ის მონაცემებით, ბოლო 7 დღის განმავლობაში, 100 000 მოსახლეზე კორონავირუსით სიკვდილიანობის მაჩვენებლით საქართველო მსოფლიოში პირველ ადგილზეა. 

გამოცემის მიხედვით, საშუალო სიკვდილიანობა საქართველოში 74,7-ია, რაც 100 000 სულ მოსახლეზე 2,01 გამოდის. 

ცხრილში საქართველოს შემდეგ ბულგარეთი, მოლდოვა, უკრაინა და ხორვატიაა. 

ცნობისთვის ბოლო 24 საათში საქართველოში კორონავირუსით ინფიცირების 1 851 ახალი შემთხვევა დაფიქსირდა და 55 პაციენტი გარდაიცვალა.  გასული დღე–ღამის განმავლობაში კი 5 530 პირი გამოჯანმრთელდა.