საქართველოს მესამე პრეზიდენტი, მიხეილ სააკაშვილი დღეს, ბათუმისა და ზუგდიდის საკრებულოებში განვითარებულ მოვლენებს სოციალურ ქსელში ეხმაურება და მიმართვას ავრცელებს.

სააკაშვილი წერს, რომ ახლა მთავარია მასობრიობის გაზრდა, გაუჩერებელი აქტიურობა, რაც რეჟიმს ჩამოანგრევს.

"ვუყურებ ახლა ბათუმში მუსიკალური სკოლისთვის ჩემი და ლევანის აშენებულ შენობას, სადაც ოცნებამ უმაღლესი საბჭო შეასახლა. ბათუმის მერია - გიორგი კირთაძე, ახლა ჩვენი და მათ შორის ჩემი, საამაყო ქალაქი ყაჩაღების ბანდის ხელშია. ​ზუგდიდის მერია ანზორ მელია და ეს მდგომარეობა სულ მალე აღდგება. ახლა მთავარია გავზარდოთ მასობრიობა, ბეტონის კედლად დავუდგეთ წინ მოძალადეებს - გაუჩერებელი აქტიურობა და ამათ აუცილებლად ჩამოვანგრევთ. თავისუფლების იდეას ესენი ვერ ჩაკლავენ", - ვკითხულობთ მიხეილ სააკაშვილის მიმართვაში.