დაავადებათა კონტროლის ეროვნული ცენტრის მიერ გავრცელებული ინფორმაციით, 12 დეკემბრის მონაცემებით, საქართველოს 31 256 მოქალაქეს აქვს კორონავირუსის საწინააღმდეგო ვაქცინის "ბუსტერ" დოზა მიღებული.

მათივე ცნობით, ქვეყნის მასშტაბით, სრულად ვაქცინირებულია მოზრდილი მოსახლეობის 36.6%, ანუ სულ 1 046 097 ადამიანი. სულ მცირე 1 დოზით ვაქცინირებულების რაოდენობა კი,  1 230 347 ადამიანს უტოლდება. მისი პროცენტული მაჩვენებელი 43.3-ია.

დღეისათვის, საქართველოში, სულ 2 308 497 Covid – 19-ის საწინააღმდეგო აცრაა ჩატარებული.