დიდ ბრიტანეთში, კორონავირუსის ახალი შტამით - „ომიკრონით" პირველი გარდაცვალების შემთხვევა დაფიქსირდა. აღნიშნულის შესახებ, მოსახლეობას ქვეყნის პრემიერ მინისტრმა, ბორის ჯონსონმა განუცხადა.

მისი თქმით, ვირუსის ახალი ვარიანტი, ამ დროისთვის, როგორც ლონდონის, ასევე ქვეყნის სხვა მხარეებშიც ვრცელდება.

„სამწუხაროდ, „ომიკრონის“ შტამი, ქვეყანაში, ჰოსპიტალიზაციის შემთხვევებს ზრდის“, - აღნიშნა ბორის ჯონსონმა.

ამ დროისთვის, ლონდონში კორონავირუსით ინფიცირების შემთხვევების 40% „ომიკრონის" შტამს უკავშირდება. იუწყება BBC News.