ბელარუსიის ოპოზიციის ლიდერს, სერგეი ტიხანოვსკის 18-წლიანი პატიმრობა მიუსაჯეს. იგი მასობრივი საპროტესტო აქციების ხელმძღვანელობასა და არეულობის მოწყობაშია ბრალდებული.

BBC News-ის ინფორმაციით, მას განაჩენი სამშაბათს, ქალაქ გომელის სასამართლოში გამოუტანეს. სერგეი ტიხანოვსკთან ერთად, დაკავებულია ბელარუსიის სხვა ოპოზიციური სახეებიც, მაგალითად: მიკოლა სტატკევიჩო, იგორ ლოსიკი და ვლადიმერ ციგანოვიჩი.

„დახურულ სასამართლო პროცესებზე პოლიტიკური პატიმრების დამალვის პარალელურად, ქვეყნის ლიდერი - ალექსანდერ ლუკაშენკო თავისი რეპრესიების ჩუმად გაგრძელებას ლამობს. თუმცა, მას მთელი მსოფლიო უყურებს. ჩვენ არ გავჩერდებით“, - წერს სერგეი ტიხანოვსკის მეუღლე, სვიანტალა ციხანოუსკაია სოციალურ ქსელ „ტვიტერ“-ზე.