საქართველოს პრეზიდენტი სალომე ზურაბიშვილი დღეს სრულიად საქართველოს კათოლიკოს პატრიარქს, უწმინდესსა და უნეტარეს ილია მეორეს შეხვდა.

საპატრიარქოს ცნობით, პრეზიდენტმა პატრიარქს წარუდგინა ხედვა, რაც  საზოგადოებაში შერიგების პროცესთან არის დაკავშირებული.

"მისი უწმინდესობაც და, ბუნებრივია, ეკლესიაც, ამჟამადაც, როგორც ყოველთვის, დაუჭერს მხარს ნებისმიერ ინიციატივას და ქმედებას მიმართულს ერთსულოვნებისკენ, რომელიც დაფუძნებული იქნება ქრისტიანულ და სამართლიან საფუძვლებზე." - ნათქვამია გავრცელებულ ინფორმაციაში.