ევროპული საბჭოს ყოფილმა პრეზიდენტი, დონალდ ტუსკი აღმოსავლეთ პარტნიორობის სამიტის პარალელურად, სოციალურ ქსელზე საქართველოს ექსპრეზიდენტის, მიხეილ სააკაშვილის დაკავებას გამოეხმაურა.

მან თავის ევროპელ კოლეგებს მოუწოდა, რომ საქართველოს ამჟამინდელ პრემიერ-მინისტრთან, ირაკლი ღარიბაშვილთან მისი განთავისუფლების საკითხი განიხილონ.

„დღეს, როდესაც აღმოსავლეთ პარტნიორობის სამიტი იმართება, მოვუწოდებ ჩემს ევროპელ კოლეგებს, საქართველოს პრემიერ-მინისტრთან განიხილონ საქართველოს მე-3 პრეზიდენტის მიხეილ სააკაშვილის გათავისუფლების საკითხი, რომელმაც დაიწყო მოლაპარაკებები საქართველო-ევროკავშირის ასოცირების შესახებ შეთანხმებაზე”, - წერს თავის „ტვიტერ“ გვერდზე დონალდ ტუსკი.