საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ინტენსიური თოვის გამო, საჩხერე-ონის საავტომობილო გზაზე ტრანსპორტის გადაადგილება შეიზღუდა.

უწყების ცნობით, ამ დროისთვის, მისაბმელიანი და ნახევრადმისაბმელიანი ავტოტრანსპორტის მოძრაობა აიკრძალა, თუმცა დანარჩენი სახის ავტოტრანსპორტის მოძრაობა თავისუფალია.