„ერთიანი ნაციონალური მოძრაობა“ საქართველოს ყოფილი პრეზიდენტის, მიხეილ სააკაშვილის გათავისუფლების მოთხოვნით 21 დეკემბერს, 18:00 საათზე რუსთაველის გამზირზე აქციას გამართავს.

ბათუმში მიხეილ სააკაშვილის მხარდამჭერები რამდენიმე ადგილიდან თბილისისკენ უკვე დაიძრნენ. აქციის მონაწილეების თქმით, რუსთაველზე დღეს აჭარის მოსახლეობა მრავალრიცხოვნად იქნება წარმოდგენილი. 
აქტივისტები ამბობენ, რომ მათი მთავარი მოთხოვნა საქართველოს მესამე პრეზიდენტის მიხეილ სააკაშვილის გათავისუფლებაა.