საქართველოს საავტომობილო გზების დეპარტამენტის განცხადებით, გოდერძის უღელტეხილზე ყველა სახის ავტოტრანსპორტის მოძრაობა აიკრძალა.

ავტომობლების გადაადგილება შიდასახელმწიფოებრივი მნიშვნელობის ბათუმი-ახალციხის საავტომობილო გზის კმ106-კმ117 (გოდერძის უღელტეხილის) მონაკვეთზეა შეზღუდული.

უწყების ცნობით, ამ დროისთვის, გზის დანარჩენ მონაკვეთებში ავტოტრანსპორტის მოძრაობა თავისუფალია.