ზუგდიდის საკრებულოს თავმჯდომარე კვლავ, მეოთხე მცდელობაზეც ვერ აირჩიეს, რის გამოც, სხდომა ჩაიშალა.

დღევანდელ სხდომაზე კვორუმი არ შედგა. საკრებულოში პროტესტის ნიშნად არ მივიდა „ნაციონალური მოძრაობა". გარდა ამისა, სხდომას არ ესწრებოდა „ქართული ოცნების" 4 და გიორგი გახარიას პარტია „საქართველოსთვის" 1 წევრი. 

ცნობისთვის, ზუგდიდის საკრებულოში 45 წევრია, თავმჯდომარის ასარჩევად კი, სულ მცირე 23 ხმა არის საჭირო.

შემდეგი სხდომა 2022 წლის 12 იანვარს გაიმართება.