ისრაელის ჩრდილოეთ ნაწილში შეიარაღებული ძალების სამხედრო ვერტმფრენის ჩამოვარდნას 2 ადამიანი სიცოცხლე ემსხვერპლა. - ინფორმაციას "Deutsche Welle" ავრცელებს. 

ისრაელის თავდაცვის ძალების ინფორმაციით, ვერტმფრენი სასწავლო ფრენის დროს  ისრაელის ჩრდილოეთ სანაპიროსთან ჩამოვარდა. ავიაკატასტროფის შედეგად ეკიპაჟის კიდევ ერთი წევრი მძიმედ დაშავდა.

ვერტმფრენის ჩამოვარდნის  მიზეზი უცნობია. მომხდარის გამო სასწავლო ფრენები დროებით შეწყდა, დაწყებულია გამოძიება.