ჯანდაცვის სამინისტროსთან, სანატორიუმ „ქართლში“ შესახლებული დევნილები აქციას მართავენ. მათ მოთხოვნებს საქართველოს ჯანდაცვის მინისტრთან შეხვედრა და ღირსეული საცხოვრებელი პირობების მიღება წარმოადგენს.

გავრცელებული ინფორმაციით, საჭიროების შემთხვევაში, ისინი შიმშილობასაც მიმართავენ.

აქციის მონაწილეების განცხადებით, ჯანდაცვის სამინისტროში გამართულ დღევანდელ შეხვედრაზე, სახელმწიფო უწყებამ აღნიშნულ პირებს მხოლოდ ქირით გადასვლა შესთავაზა. როგორც გაირკვა, დევნილებისთვის უცნობია როდემდე დაფარავს სამინისტრო ქირის საფასურს.