ჯანდაცვის მსოფლიო ორგანიზაციის ხელმძღვანელის, ტედროს ადანომ გებრეისუსის განცხადებით, ნარატივი რომ კორონავირუსის  „ომიკრონ“ შტამი მსუბუქი ვარიანტია და მან ვირუსის საფრთხე აღმოფხვრა არასწორია.

მისივე განცხადებით, ჰოსპიტალიზაციის და გარდაცვალების შემთხვევები ომიკრონ შტამის შემთხვევაშიც ფიქსირდება.

„ნარატივი, რომ ის მსუბუქი დაავადებაა, შეცდომაში შემყვანია. ნუ დაუშვებთ შეცდომას! „ომიკრონი“ იწვევს ჰოსპიტალიზაციისა და გარდაცვალების შემთხვევებს, სამედიცინო დაწესებულებები კი ნაკლებად მძიმე შემთხვევებითაც იტვირთება, შეშფოთებული ვარ იმ ქვეყნების გამო, სადაც ვაქცინაციის მაჩვენებელი დაბალია, რადგან ადამიანები უფრო დიდი რისკის ქვეშ არიან“- აღნიშნა ჯანმო-ს ხელმძღვანელმა.