„იქნებ ფული გააკეთე, დეკლარაცია გვანახეო. რადგან არ გვანახე, 1,000 ლარი გადაიხადე და ისე გვანახე, თორემ სისხლის სამართლის პასუხისგებაში მიგცემთო. ლარი არ ამიღია ხელფასი ამ მოწვევის პარლამენტში“, - ამის შესახებ, „გირჩი - მეტი თავისუფლების“ ლიდერი ზურაბ ჯაფარიძე, სოციალურ ქსელში განცხადებას აქვეყნებს.

იგი ქონებრივი დეკლარაციის არშევსების გამო 1000 ლარით დააჯარიმეს.

„ჯერ შენ ვინ გეკითხება, პარლამენტში უნდა იყოო. მერე, ოკ, არ გინდა და ნუ გინდაო.
მერე, სანამ არ გიშვებდით და ფორმალურად აქ იყავი, იქნებ ფული გააკეთე, დეკლარაცია გვანახეო.
ახლა, რადგან არ გვანახე, 1,000 ლარი გადაიხადე და ისე გვანახე, თორემ სისხლის სამართლის პასუხისგებაში მიგცემთო. ამ სისხლის სამართლის საქმის ბოლო - მანდატის გაუქმებაა.
რომელიც ისედაც აღარ მაქვს.
პ.ს. ლარი არ ამიღია ხელფასი ამ მოწვევის პარლამენტში“, - წერს ზურაბ გირჩი ჯაფარიძე