ბრიტანეთი მზადაა სამხედრო ძალები განათავსოს ევროპაში, თუ რუსეთი უკრაინაში შეიჭრება. ამის შესახებ, ბრიტანეთის პრემიერ-მინისტრმა, ბორის ჯონსონმა განაცხადა.

ბორის ჯონსონმა რუსეთის პრეზიდენტი, ვლადიმერ პუტინი გააფრთხილა, რომ მსგავს შემთხვევაში, უკრაინის მხრიდან „სასტიკი“ წინააღმდეგობა დახვდებოდა და „ბევრი რუსი დედა, თავის ვაჟს სახლში ვეღარ დაიბრუნებდა“.

მისი განცხადებით, დიდი ბრიტანეთი და მისი მოკავშირეები რუსეთს სწრაფად და „ერთიანად“ „მკაცრი“ ემონომიკური სანქციებით უპასუხებენ.