საქართველოში, „მწვანე პასპორტის“ მოთხოვნის ვალდებულება გაუქმდა. მიუხედავად ამისა, რესტორნები: ,,შავი ლომი“, ,,ნინიას ბაღი“ და კაფე ,,ლეილა“ მოქალაქეებს მხოლოდ აცრის ან ტესტის დამადასტურებელი მოწმობით მიიღებენ.

ამის შესახებ ,,ექსპრესნიუსს“ რესტორნების დამფუძნებელმა, მერიკო გუბელაძემ განუცხადა.

შეგახსენებთ, რომ დღეს, საქართველოს საკოორდინაციო საბჭომ „კოვიდპასპორტების“ მოთხოვნის ვალდებულება გააუქმა, თუმცა აღრიცხვიანობის სისტემა კვლავ რჩება და ვისაც ეს საბუთი საზღვარგარეთ გასამგზავრებლად ესაჭიროება, ამ მექანიზმით სარგებლობას შეძლებს.