რუსეთი შეიძლება, რამდენიმე დღეში ან კვირაში შეიჭრას უკრაინაში, ან აირჩიოს დიპლომატიური გზა, - აღნიშნულის შესახებ ეროვნული უსაფრთხოების საკითხებში აშშ-ის პრეზიდენტის მრჩეველმა, ჯეიკ სალივანმა განაცხადა.

ჯეიკ სალივანის თქმით, თუ ომი დაიწყება, ეს უკრაინას უზარმაზარი საფასური დაუჯდება, თუმცა ომის დაწყების შემთხვევაში, რუსეთს სტრატეგიული საფასურის გადახდა მოუწევს.

ჯეიკ სალივანის განცხადებით, გაზსადენი „ჩრდილოეთ ნაკადი 2“ არის დასავლეთის ბერკეტი და არა - ვლადიმერ პუტინის, ხოლო თუ რუსეთი უკრაინაში შეიჭრება, გაზსადენის პროექტი აღარ განხორციელდება.