ბრიტანეთის საგარეო საქმეთა მინისტრი უკრაინის საკითხთან დაკავშირებით რუსეთის საგარეო უწყების ხელმძღვანელთან გამართავს შეხვედრას. - ამის შესახებ ბრიტანეთის საგარეო საქმეთა მინისტრი ლიზ ტრასი Twitter-ზე წერს.

ტრასის თქმით, აპირებს ლავროვს მკაფიოდ უთხრას, თუ რუსეთი უკრაინიდან ჯარს არ გაიყვანს მძიმე შედეგების წინაშე აღმოჩნდება.

"რუსეთმა დაუყოვნებლივ უნდა გაიყვანოს ჯარები და პატივის სცეს უკრაინის სუვერენიტეტს, ან მძიმე შედეგების წინაშე აღმოჩნდება. 

ნებისმიერი შეჭრა დიდი შეცდომა იქნება. დიპლომატია წინსვლისთვის ერთადერთი გზაა და რუსეთი ამ გზას უნდა გაჰყვეს", - წერს ტრასი.