ვროკავშირში რუსეთის ელჩმა, ვლადიმერ ჩიჟოვმა უარყო ვარაუდები, რომ რუსეთი უკრაინაზე თავდასხმას აპირებს. აღნიშნულის შესახებ მან გერმანულ ტელეარხ WELT-თან ინტერვიუში განაცხადა.

„შემიძლია დაგარწმუნოთ, რომ ამ ოთხშაბათს თავდასხმა არ იქნება. არ იქნება ესკალაცია არც მომდევნო კვირაში, არც იმის შემდეგში და არც მომავალ თვეში. ევროპაში ომები იშვიათად იწყება ოთხშაბათს“, - განაცხადა ელჩმა.

ცნობისთვის, The New York Times-ი აშშ-ის დაზვერვის წყაროზე დაყრდნობით აცხადებდა, რომ მოსკოვი მიმდინარე კვირის ოთხშაბათს, 16 თებერვალს უკრაინაში სამხედრო მოქმედებების დაწყების თარიღად განიხილავდა.