ეს არის კრიზისი, რომელიც შექმნა მოსკოვმა, ჩვენ არ აგვირჩევია დაპირისპირება, თუმცა მზად ვართ ამისთვის, - ამის შესახებ ევროკომისიის პრეზიდენტმა, ურსულა ფონ დერ ლაიენმა, უკრაინის საზღვართან არსებულ დაძაბულობაზე საუბრისას განაცხადა.

მისივე თქმით, უკრაინის კრიზისი მხოლოდ მას არ ეხება და მეტს ნიშნავს, რაც გულისხმობს სუვერენულ და დამოუკიდებელ ქვეყნად ყოფნის სურვილს და იდეას, რომ კრემლმა გადაწყვიტოს, რა სურთ უკრაინელებს, ევროპა უბრალოდ ვერ მიიღებს. 

„ჩვენ ახლა ორი განსხვავებული მომავალი გვაქვს წინ. ერთში, კრემლი გადაწყვეტს ომის დაწყებას უკრაინის წინააღმდეგ, უზარმაზარი ადამიანური ხარჯებით, ეს მოსკოვის ურთიერთობას ჩვენთან სერიოზულად დააზიანებს. დაიწყება მკაცრი  სანქიები, რაც მძიმე შედეგებს მიიტანს რუსეთის ეკონომიკაზე და მისი მოდერნიზაციის პერსპექტივაზე, თუმცა, შესაძლებელია სხვა მომავალიც, რომელშიც რუსეთი და ევროპა ითანამშრომლებენ საერთო ინტერესებიდან გამომდინარე. მომავალი, რომელშიც თავისუფალი ქვეყნები ერთად, მშვიდობიანად იმუშავებენ, - განაცხადა ევროკომისიის პრეზიდენტმა.