„ჩემი ვარაუდით, რუსეთი უკრაინაში რამდენიმე დღეში შეიჭრება“, - ამის შესახებ აშშ-ის პრეზიდენტმა, ჯო ბაიდენმა განაცხადა.

მისივე თქმით, ყველა ინდიკატორი მიუთითებს იმაზე, რომ რუსეთი უკრაინაზე თავდასახმელად მზადაა.

„ძალიან მაღალია შანსები, მათ არცერთი თავიანთი ჯარისკაცი არ გაუყვანიათ. ჯერ ერთი, უფრო მეტი ჯარისკაცი შეიყვანეს და ჩვენ გვაქვს მიზეზი გვჯეროდეს, რომ ისინი შეჭრის მიზეზებისთვის პროვოკაციებს აპირებენ. ყველა ინდიკატორი მიუთითებს, რომ რუსეთი უკრაინაში შესასველად, უკრაინაზე თავდასახმელად მზადაა. ჩემი ვარაუდით, ეს მომდევნო რამდენიმე დღეში მოხდება“, - აღნიშნა ჯო ბაიდენმა.

ამბავს CNN იუწყება.