„დატოვეთ უკრაინა იქამდე, სანამ შესაძლებელია“, - აღნიშნულის შესახებ ბრიტანეთის საგარეო საქმეთა მინისტრი, ლიზ ტრასი იუწყება.

მისივე განცხადებით, უკრაინაში მყოფი ბრიტანეთის მოქალაქეების დაცვა და უსაფრთხოების შენარჩუნება უმაღლესი პრიორიტეტია.

„უკრაინაში მყოფი ბრიტანეთის მოქალაქეების დაცვა და უსაფრთხოება უმაღლესი პრიორიტეტია. ყველა ბრიტანელმა იქამდე, სანამ შესაძლებელია, კომერციული მარშრუტების საშუალებით, ქვეყანა უნდა დატოვოს.

ქვეყნის დატოვებისა და საზღვრების გადაკვეთის პარალელურად, ჩვენ რეგიონში მყოფ გუნდებს ვაძლიერებთ, რათა ბრიტანელ ხალხს დაეხმარონ“, - აღნიშნა „ტვიტერ“-ზე.