უკრაინის საჰაერო თავდაცვის ჯარების განცხადებით ლუგანსკის ოლქში ჩამოგდებულია 5 რუსული თვითმფრინავი და 1 დამრტყმელი შვეულმფრენი

"გაერთიანებული ძალები ღირსეულად უპასუხებენ რუსეთის ფედერაციის შეიარაღებულ ძალებს. სამხედრო ნაწილები თავიანთ პოზიციებზეა განლაგებული. შეინარჩუნეთ სიმშვიდე! - ნათქვამია განცხადებაში.

ცნობისთვის, რუსეთის პრეზიდენტმა ვლადიმერ პუტინმა დონბასში სამხედრო ოპერაციის დაწყების შესახებ განაცხადა. უკრაინის რამდენიმე ქალაქში აფეთქების ხმა ისმის. უკრაინის პრეზიდენტმა, ვლადიმირ ზელენსკიმ უკრაინაში საომარი მდგომარეობა გამოაცხადა.