ჰაკერულმა დაჯგუფებამ, Anonymous-მა დღეს, რუსეთის თავდაცვის სამინისტროს ვებგვერდის გათიშვის შემდეგ, უკვე ერთ-ერთი ყველაზე დიდი რუსული კომპანიის, „გაზპრომის“ ვებგვერდიც გათიშა. აღნიშნულის შესახებ განცხადებას დაჯგუფება Twitter-ზე ავრცელებს.

მომხდარის გამო, მსოფლიოში ბუნებრივი აირის უმსხვილესი მწარმოებელის ვებგვერდი მუშაობას ამ დრომდე, არ აგრძელებს.

ცნობისთვის, წუხელ, Anonymous რუსეთის მიერ უკრაინაში შეჭრას გამოეხმაურა და აღნიშნა, რომ რუსეთის მთავრობის წინააღმდეგ დაჯგუფება კიბერ-ომში ჩაერთო.

„უკრაინელი მოსახლეობის მხარდასაჭერად, „გაზპრომი“ კავშირგამორთულია. ჩვენ ვართ ლეგიონი. გველოდეთ!“, - აღნიშნულია განცხადებაში.