რუსეთის საგარეო საქმეთა მინისტრმა, სერგეი ლავროვმა ევროკავშირის ქვეყნების მიერ დაწესებული „ანტირუსული სანქციების“ გამო, ჟენევაში, გაეროს შტაბბინაში, ვიზიტი გააუქმა.

The Guardian-ის მიერ გავრცელებული ინფორმაციით, სამშაბათს, გაეროს ადამიანის უფლებათა საბჭოსა და განიარაღების კონფერენციაზე, სერგეი ლავროვის სიტყვით გამოსვლა იყო დაგეგმილი.

დიპლომატიური მისიის ცნობით, იგი „იძულებული გახდა“ გაეუქმებინა მოგზაურობა „ევროკავშირის რამდენიმე ქვეყნის საჰაერო სივრცეში მისი ფრენის უპრეცედენტო აკრძალვის გამო, რომლებმაც დააწესეს ანტირუსული სანქციები“, - წერენ „ტვიტერ“-ზე.