„საფრანგეთმა გადაწყვიტა უკრაინისთვის გამოყოს €100 მილიონი ოდენობის ფინანსური პაკეტი, რათა კონფლიქტის შედეგად დაზარალებულ მოსახლეობას დაეხმაროს“, - ამის შესახებ საფრანგეთის საგარეო საქმეთა სამინისტრო იუწყება.

მათივე ცნობით, ქვეყანა, ასევე უკრაინიდან პოლონეთში გადასულ მოსახლეობასაც გაუწევს დახმარებას.

„უკრაინაში რუსეთის შეჭრის შედეგად გამოწვეული ჰუმანიტარული სიტუაციის გამო, უკრაინის ხელისუფლების მოთხოვნის საპასუხოდ საფრანგეთმა გადაწყვიტა გამოყოს €100 მილიონი ოდენობის ფინანსური პაკეტი, რათა კონფლიქტის შედეგად დაზარალებულ მოსახლეობას დაეხმაროს“, - აღნიშნულია განცხადებაში.