2022 წლის 8 მარტის 12 საათის მონაცემებით, უკრაინაში რუსეთის ფედერაციის შეჭრის დაწყებიდან 41 ბავშვი დაიღუპა და 76 ბავშვი დაშავდა. ამის შესახებ ინფორმაციას უკრაინის სახალხო დამცველი, ლუდმილა დენისოვა „ფეისბუკ“-ზე ავრცელებს.

მისი განცხადებით, რუსეთის საოკუპაციო ძალების ქმედებები ჰააგის და ჟენევის კონვენციების „პირდაპირი“ დარღვევაა.

მან, ასევე, საერთაშორისო საზოგადოებასა და საერთაშორისო უფლებადამცველ ორგანიზაციებს მიმართა, რათა რუსეთის ფედერაციაზე სამხედრო თავდასხმის შესაჩერებლად ყველა შესაძლო ზომა მიიღონ.

„დნეპროპეტროვსკის ოლქის სამართალდამცავებმა ხარკოვიდან კიდევ 300 ადამიანის ევაკუაცია მოახდინეს. გადარჩენილთა შორის იყო დედა სამი შვილით, რომელიც ღამით რუსული არტილერიის ცეცხლის ქვეშ მოექცა. დარტყმის ტალღაში მისი ერთ-ერთი შვილი დაშავდა. ასევე, პოლიციასთან საუბრისას ქალმა აღნიშნა, რომ მეზობლის შვილი მათ თვალწინ გარდაიცვალა.

ხარკოვის ოლქის ქალაქ დერგაჩში, რუსული არმიის დაბომბვის დროს, განხორციელდა თავდასხმები დერგაჩის №3 ლიცეუმსა და ქალაქის საცხოვრებელ უბნებზე. სულ მცირე სამი ადამიანი დაიღუპა და 15 დაშავდა, მათ შორის 4 წლის ბავშვი.

დღეს, დილით, ცნობილი გახდა დონეცკის რეგიონში კიდევ 4 დაჭრილი მშვიდობიანი მოქალაქის, მათ შორის 14 წლის ბიჭის შესახებ. ქალაქ მარიუპოლსა და ვოლნოვახაში დაღუპულთა და დაჭრილთა რაოდენობის დადგენა, ჯერჯერობით შეუძლებელია. ეს ქალაქები კვლავ დაბლოკილია რუსული საოკუპაციო ძალების მიერ.

ოკუპანტმა კიდევ ერთხელ გაისროლა ნიკოლაევის მშვიდობიანი მოსახლეობა. ოკუპანტებმა ამჯერად ქალაქის სამხრეთ ნაწილში მდებარე ბალაბანივკას საცხოვრებელი უბანი არტილერიით დაფარეს: 60 სახლი დაზიანდა. ბომბების უმეტესობა იყო კლასტერები, რომლებიც აკრძალული იყო ჟენევის 1949 წლის კონვენციით მსოფლიოში გამოსაყენებლად.

ამ დღეებში, რუსი მტერი ხარკოვის 30-მდე საშუალო სკოლას, 27 საბავშვო ბაღს, 5 უმაღლეს სასწავლებელსა და ბავშვთა სკოლა-ინტერნატს შეუტია.

რუსეთის საოკუპაციო ძალების ქმედებები ჰააგის და ჟენევის კონვენციების პირდაპირი დარღვევაა.

მივმართოთ საერთაშორისო საზოგადოებას და საერთაშორისო უფლებადამცველ ორგანიზაციებს, მიიღონ ყველა შესაძლო ზომა რუსეთის ფედერაციაზე სამხედრო თავდასხმის შესაჩერებლად.

დაჟინებით მოვითხოვ, ნატოს ქვეყნები - დახურეთ ცა!!“, - აღნიშნულია განცხადებაში.