უკრაინის პრეზიდენტი, ვოლოდიმირ ზელენსკი, ნატოს ლიდერებს კიდევ ერთხელ აფრთხილებს და აცხადებს, რომ თუ ნატო არ დახურავს უკრაინის ცას რუსული რაკეტები მათ ტერიტორიაზე ჩამოვარდება.

ამის შესახებ უკრაინის პრეზიდენტი სოციალურ ქსელში წერს.

"გასულ წელს მე გავაფრთხილე ნატოს ლიდერები, რომ თუ არ იქნება მკაცრი პრევენციული სანქციები რუსეთის წინააღმდეგ, ის ომს დაიწყებდა. და მართალი ვიყავი. კიდევ ერთხელ გავიმეორებ: თუ ჩვენს ცას არ დავხურავთ, რუსული რაკეტები თქვენს ტერიტორიაზე, ნატოს ტერიტორიაზე ჩამოვარდება. ეს მხოლოდ დროის საკითხია,"- წერს ზელენსკი.