რუსმა ოკუპანტებმა ლუგანსკის ოლქის ქალაქ რუბიჟნეში, სამშობიარო საავადმყოფო მთლიანად გაანადგურეს. ამის შესახებ ლუგანსკის რეგიონალური სამხედრო ადმინისტრაციის თავმჯდომარემ, სერგეი გაიდაიმ განაცხადა.

სერგეი გაიდაის თქმით, ერთ-ერთმა პაციენტმა დაბომბვის გამო, სამშობიაროს სარდაფში იმშობიარა.

„რუსეთის საოკუპაციო ჯარებმა ცეცხლი გაუხსნეს ქალაქ რუბეჟანსკის მულტიდისციპლინურ საავადმყოფოს: სამშობიარო სახლი მთლიანად განადგურდა. უკანასკნელი მშობიარობა იქ 11 მარტს, 23:23 საათზე, სარდაფში ძლიერი დაბომბვის დროს მოხდა, დაიბადა ლამაზი და ჯანმრთელი გოგონა ვასილისკა, რომელიც დედასთან ერთად სარდაფში მედიკოსების მეთვალყურეობის ქვეშ იმყოფებოდა“, - წერს იგი „ფეისბუკ“-ზე.