რუსმა ოკუპანტებმა კიევის ოლქი, ნოვიე პეტრივცი დაბომბეს, რის შედეგადაც ორი წლის ბავშვი დაიღუპა. ამბავს უკრაინული მედია იუწყება.

გავრცელებული ინფორმაციით, შემთხვევის გამო, ასევე 4 პირიც დაშავდა.

კიევის ოლქის პოლიციის ცნობით, 17 მარტს, ოკუპანტებმა მძიმე არტილერიით, ასევე, ვიშგოროვსკის რაიონში, საცხოვრებელ კორპუსები დაბომბეს.

შედეგად მაღალსართულიანი შენობა დაინგრა და მეზობელი საცხოვრებელი კორპუსები დაზიანდა.

„ახლა ვიცით ორი წლის ბავშვის გარდაცვალებისა და ოთხი ადამიანის მრავლობითი დაზიანებების შესახებ“, - ნათქვამია განცხადებაში.

გავრცელებული ინფორმაციით, შემთხვევის ადგილზე, ექიმები და პოლიციის თანამშრომლები უკვე მუშაობენ.